Visa Legal

©1996-2023 Visa. Барлық құқықтар қорғалған.

Visa осы хабарды жаңарту арқылы бұл ережелерді кез келген уақытта өзгертуі мүмкін. Ондай өзгертулердің Сізге де қатысы бар, сондықтан осы бетке анда-санда кіріп, ағымдағы ережелерді тексеріп отырыңыз.

Visa халықаралық қызмет қауымдастығы www.Visa.com сайтына қолдау көрсетеді және жеке ақпаратыңыз, көңіл көтеруіңіз және рахаттанып пайдалануыңыз үшін басқа да байланысқан сайттардан тұрады. Visa сайтын еркін шолыңыз, файлдар жүктеп алыңыз және басқаша пайдаланыңыз. Сонымен қатар, Visa сайтына кіруіңіз төмендегі ережелермен және барлық қолданыстағы заңдармен бақыланатынын есте сақтаңыз. Visa сайтына кіру және оны пайдалану арқылы Сіз ешбір шектеусіз немесе ескертусіз осы ережелерді қабылдайсыз және дау туындаған жағдайда, Visa ұйымы мен Сіздің араңызда болуы мүмкін кез келген келісімдердің орнына осы ережелердің күші жүретініне келісім бересіз. Егер осы ережелермен келіспесеңіз, онда Visa сайтын пайдаланбағаныңыз жөн.

Сондай-ақ, Visa АҚШ веб-сайтында осы сайт үшін арнайы қолданылатын құпиялылық саясаты барын ескеріңіз. Басқа елдердің немесе аймақтардың веб-сайттарына немесе Visa АҚШ ұйымы иеленетін немесе пайдаланатын басқа веб сайттарға кірген кезде әрбір сайттың құпиялылық саясатын қарап шығыңыз, себебі олардың әрқайсысында әр түрлі шарттар болуы мүмкін.

Visa сайтына кіру және оны пайдалану барлық қолданыстағы халықаралық, федералдық, штаттық және жергілікті заңдармен және ережелермен бақыланады. Басқаша арнайы түрде көрсетілмеген жағдайда, Visa сайтында көрсетілген материалдарды тек жеке, коммерциялық емес мақсатта ғана жүктеп алуыңызға болады. Visa сайтында көрсетілген кез келген мазмұнды немесе материалды Visa ұйымының немесе Visa қажет деп санайтын кез келген үшінші тараптың жазбаша келісімінсіз кез келген қоғамдық немесе коммерциялық мақсатта таратуға, өзгертуге, көшіруге, жариялауға, жіберуге, көрсетуге, сатуға, лицензиялауға, пайдалануға, қайта пайдалануға немесе олардың туынды жұмыстарын жасауға тыйым салынады. Барлық жүктеп алынған және/немесе көшірілген материалға қатысты барлық авторлық құқық және басқа да меншік құқығы туралы ескертулерді сақтауыңыз керек. Сіздің Visa сайтынан жасаған және кез келген мақсатта тарататын кез келген материалдың көшірмесі де осы ережелерді қамтуы тиіс. Сізге Visa сайтын пайдаланған кезде Visa сайтына немесе Visa сайты орналасқан кез келген серверге не желіге зиян не зақым келтіретін не қасақана орындалатын кез келген әрекет жасауға және басқалардың осы сайтты пайдалануына кедергі келтіруге болмайды.

Сіз Visa сайтында орналасқан кез келген материалдың, басқаша көрсетілмеген жағдайда, авторлық құқықпен қорғалғанын және Visa-ның немесе Visa қажет деп санайтын кез келген үшінші тараптың жазбаша рұқсаты болмаса, оның "Ережелер" бөлімінде көрсетілген шарттардан басқа жолдармен пайдаланылмайтынын ескеруіңіз керек. Бұл сайтқа және осы сайт арқылы қолжетімді мүмкіндіктер мен қызметтерге бір немесе бірнеше патент қолданылады және ол мыналарды қамтиды, бірақ олармен шектелмейді: № 6 091 956 АҚШ патенті және барлық шетелдердегі ұқсастары. Visa ұйымы Visa сайтында көрсетілген материалды пайдалануыңыздың үшінші тараптардың құқықтарын бұзбайтынына кепілдік бермейді және мәлімдемейді. Visa сайтында сипатталған кез келген өнім, қызмет, бағдарлама немесе технология Visa иелігіндегі басқа зияткерлік меншік құқықтарымен (авторлық құқықты, сауда белгілері немесе патент құқықтарын қоса, бірақ бұлармен шектелмей) қадағалануы мүмкін. Осы құжатта тікелей лицензияланбаған кез келген осындай құқық Visa ұйымына тиесілі.

Visa сайтында көрсетілген адамдардың немесе орындардың суреттері Visa меншігінде немесе оның рұқсатымен пайдаланылады. Ережелерде немесе Visa сайтындағы басқа жерлерде тікелей рұқсат етілмеген болса, сол суреттерді Сізге не басқа үшінші тараптарға пайдалануға тыйым салынады. Осы суреттерді кез келген рұқсатсыз пайдалану авторлық құқық заңдарын, сауда белгілері заңдарын, құпиялылық және ашықтық заңдарын және басқа да қолданыстағы ережелер мен заңнамалық актілер талаптарын бұзуы мүмкін.

Visa сайтында Visa жариялаған кез келген құжатта сипатталған қандай да бір өнім, қызмет, бағдарлама немесе технология Visa иелігіндегі басқа зияткерлік меншік құқықтарымен қорғалған болуы мүмкін. Осы құжатта тікелей лицензияланбаған кез келген осындай құқық Visa ұйымына тиесілі.

Visa ұйымына тиесілі емес сауда белгілері мен авторлық құқықтар олардың тиісті иелерінің меншігі болып табылады.

Visa сайтында көрсетілген, тіркелген немесе тіркелмеген сауда белгілері, логотиптер және қызмет белгілері (әрі қарай бірге «Сауда белгілері») Visa ұйымының және басқаларының сауда белгілері болып табылады. «Three Bands Design» және «It's Everywhere You Want To» сауда белгілері Visa ұйымының Құрама Штаттардағы және басқа елдердегі тіркелген сауда белгілері болып табылады (Visa сайтындағы сауда белгілері Америка Құрама Штаттарындағы федералдық тіркеулерді көрсетеді). Visa сайтында қамтылған кез келген нәрсе көзделетін түрде, құқықтық презумпция салдарынан немесе басқа түрде берілген деп түсінілмеуі керек, Visa-ның немесе Visa қажет деп тапқан кез келген үшінші тараптың жазбаша рұқсатынсыз Visa сайтында көрсетілген кез келген сауда белгісін пайдалану лицензиясы немесе құқығы ретінде қабылданбауы керек. Visa сайтында көрсетілген кез келген сауда белгілерін немесе кез келген басқа мазмұнды рұқсатсыз пайдалануға тыйым салынады. Visa ұйымы өзінің зияткерлік меншік құқықтарын азаматтық және қылмыстық соттар арқылы барынша қатаң қорғайды.

Жеке мәліметтеріңізден басқа (Құпиялылық саясатында көрсетілген) Visa сайтына жіберілген (электрондық немесе басқа әдіспен) кез келген хабар алмасу немесе материал (деректер, сұрақтар, пікірлер, ұсыныстар немесе өтініштер және бұлармен ғана шектелмейді), осы Құпиялылық саясат бөлімінде басқаша көрсетілмейінше, құпия емес және меншік құқығымен қорғалмаған нәрселер болып есептеледі. Visa АҚШ веб-сайтында осы сайт үшін арнайы қолданылатын құпиялылық саясаты барын және ол басқа шарттарды қамтуы мүмкін екенін ескеріңіз.

Visa сайтына Сіз жіберетін кез келген нәрсені Visa қайта өндіру, тасымалдау, ашық жариялау, баспаға шығару, БАҚ арқылы тарату және әлеуметтік желілерге шығару және осымен ғана шектеліп қалмай, басқа да мақсаттар үшін пайдалануы мүмкін. Visa.com сайтына материал жіберу арқылы Сіз Visa ұйымына сол материалға деген құқықтарды қайтарымсыз тапсырасыз және ондай материалға қатысты Сізде болуы мүмкін кез келген авторлық құқықтарды, "моральдық" құқықтарды немесе басқа да құқықтарды ешқашан талап етпеуге келісім бересіз. Visa сайтына кез келген мақсатпен (өнімдер мен қызметтерді әзірлеу, өндіру немесе нарыққа шығару) Сіз жіберетін барлық хабар алмасу құралдарында қамтылған кез келген идеяны, тұжырымдаманы немесе ноу-хауды Visa тегін және ешбір міндеттемесіз пайдаланады.

Visa сайтын пайдаланған кезде Сіз туралы және Visa сайтын қолдануыңыз туралы кейбір шектеулі ақпаратты өзіңіз беруіңіз мүмкін немесе Visa жинай алады. Құпиялылық саясаты шарттарына сәйкес Visa осындай ақпаратты өзі қажет деп шешкен кез келген мақсат үшін тегін пайдалана алады. 

Visa сайтында берілген ақпарат пен қызметтер "өз қалпында" және барлық кемшіліктерімен берілген, сондықтан қанағаттанарлық сапаға, дәлдікке, тиімділікке және нәтижелілікке қатысты барлық тәуекелдер тек пайдаланушының мойнында. Бұл Visa ұйымы Visa сайтына нақты және жаңартылған мәліметтерді орналастыруға барынша тырысады, бірақ Visa олардың дәлдігіне кепілдіктер бермейді немесе жауапты емес дегенді білдіреді. Visa ұйымы Visa сайтында берілген немесе сілтеме жасалған кез келген мәліметтің немесе қызметтің сатуға жарамды болатынына немесе дәл болатынына, ондай мәлімет пен қызметтің белгілі бір мақсаттарыңызға немесе қажеттіліктеріңізге сай болатынына немесе осындай мәліметтер мен қызмет кез келген үшінші тараптың құқықтарын бұзбайтынына ешбір тікелей немесе жанама түрде кепілдік бермейді. Visa ұйымы Visa сайтында сипатталған кез келген мәліметті, өнімді, қызметті, бағдарламаны және технологияны ескертусіз мезгіл-мезгіл қосып, өзгертіп немесе жақсартып отыра алады. Visa ұйымы Visa сайтындағы мазмұнның кез келген қатесі немесе кемшілігі үшін жауапты емес.

Сіз Visa сайтын пайдалануды өз тәуекеліңізге аласыз. Заңмен барынша рұқсат етілген ауқымда Visa ұйымы да, Visa сайтын жасауға, шығаруға немесе жеткізуге қатысқан барлық басқа тараптар да, Visa сайтына кіргеніңіз, пайдаланғаныңыз немесе оған сенгеніңізден туындайтын кез келген тікелей, жанама, абайсызда, бір нәрсенің салдарынан болатын немесе айыппұлдан кейінгі шығын (орын басатын қызмет құнын немесе мүмкіндікті жоғалтуды қоса, бірақ мұнымен шектелмей, пайдадан қағылу) үшін тіпті мұндай залалдар туралы Visa ұйымына хабар берілсе де, жауапты емес. Жоғарыда аталғанмен шектеліп қоймай, Visa ұйымы Visa сайтына кіргеніңізде, оны пайдаланғаныңызда немесе одан файлдар жүктеп алғаныңызда компьютерлік құрылғыңызға немесе басқа мүлкіңізге зиян келтіруі мүмкін кез келген вирус үшін жауапты емес. Visa ұйымы Visa сайтына үздіксіз, кедергісіз немесе қауіпсіз кіретініңізге кепілдік бермейді және бере алмайды.

Visa ұйымы Visa сайтымен байланысқан сайттардың барлығын тексермейді және осындай сілтемелердің болуы сол сайттардағы материалдардың мақұлданғанын немесе бекітілгенін білдірмейді. Visa ұйымы Visa сайтымен байланысқан кез келген сайттың мазмұны үшін жауапты емес. Осындай байланысқан сайтқа кірген кездегі қауіп-қатерлер тәуекелі өз мойныңызда. 

Visa сайтындағы мәліметтердің көбісі халықаралық түрде қолданылады, бірақ мәліметтердің едәуір бөлігі кейбір елдерде немесе аймақтарда ғана қолданылады. Мысалы, төмендегі Visa сайтындағы мәліметке қатысты көрсеткішті көрген болсаңыз.

«Осы беттегі ақпарат Америка Құрама Штаттарындағы компанияларға қолданылады.»

онда осы беттегі ақпарат тек Америка Құрама Штаттарында әрекет ететін компанияларға қолданылады. Visa ұйымы осындай мәлімдеме түрін көрсету арқылы қай ақпараттың қай елге және/немесе аймаққа қатысты екенін көрсетуге барынша тырысқанымен, ол мұндай түрдегі мәлімдемені қамтымайтын ақпараттың халықаралық түрде көрсетілмейтініне кепілдік бермейді. Visa сайтындағы кез келген ақпаратты өзіңіз немесе ұйымыңыз үшін қолдануға болатындығын тексеріп алуыңыз керек. Осындай Америка Құрама Штаттарына арналған ақпаратты көруге рұқсатыңыздың болуы ондай ақпаратты тұрған еліңізде немесе Америка Құрама Штаттарынан тыс елде қолдануыңызға болады дегенді білдірмейді.