Visa халықаралық құпиялық туралы ескертпесі

Біздің қарым-қатынасымызға және өзара әрекеттестігімізге байланысты біз жинайтын жеке басқа қатысты ақпараттың санаттары мынадай болуы мүмкін:

• Байланыс ақпараты: оған сіздің аты-жөніңіз, пайдаланушы атыңыз, пошта мекенжайыңыз, электрондық пошта мекенжайыңыз, телефон нөміріңіз, мобильдік телефон нөміріңіз және әлеуметтік желідегі профиліңіздің аттары және басқа да жеке басыңызды анықтайтын ақпарат кіреді.
• Транзакция және қаржылық ақпаратқа мыналар кіреді:
  • Картаңызға, оның ішінде 16 цифрлы төлем карталарының нөмірі (ол жеке шот нөмірі немесе «PAN» (кіруге арналған жеке нөмір) деп те аталады); төлем шотының анықтамасы немесе «PAR» токені деп аталатын қаржылық емес идентификатор; жарамдылық мерзімі, қызмет көрсету коды, PIN (жеке сәйкестендіру нөмірі) кодының верификациялық дерегі және CVV; және
  • Транзакцияларыңыз туралы ақпарат, оның ішінде транзакция жасалған күн, уақыт, орын және сома және сатушы туралы ақпарат кіреді. Оған кейде элемент деңгейіндегі деректер, сонымен қатар шот ұсыну және жөнелту туралы ақпарат кіруі мүмкін.
• Қарым-қатынас туралы ақпарат: сіздің сауда жасау және төлеу параметрлеріңіз, сонымен қатар сізге жекелендірілген контент ұсынуға қажетті басқа да ақпарат кіреді, мысалы:
  • Жас диапазоны және отбасылық жағдайы сияқты демографиялық ақпарат;
  • Белгілі бір тауарларды сатып алуға қызығушылық таныту ықтималдығы немесе өміріңізде белгілі бір іс-шаралардың болып жатуы және басқа да көрсеткіштер; және
  • Әлеуметтік желі профильдеріндегі деректер және қызығушылығыңыз туралы ақпарат.
• Өзара әрекеттестік туралы ақпарат: оған Visa компаниясымен өзара әрекеттестігіңіз туралы ақпарат кіреді, мысалы:
  • Бонустық бағдарлама шоты туралы ақпарат сияқты промо-акцияларға немесе бағдарламаларға қатысқанда жиналатын ақпарат;
  • Карта пайдалары бағдарламасы туралы ақпарат, оның ішінде квалификация дерегі және соған ұқсас жазбалар;
  • Бізге (біздің клиенттерге қызмет көрсету орталығына) хабарласқан кезде жиналатын ақпарат;
  • Кірушінің журналдары;
  • Visa компаниясы демеушілік жасаған іс-шараларға қатысқан кезде жиналатын ақпарат, мысалы, сіздің және іс-шараларға жиналған кез келген әріптесіңіздің саяхатына қатысты ақпарат; және
  • Клиент аутентификациясы үшін жиналатын деректер сияқты сіздің бізге беретін басқа ақпаратыңыз (мысалы, құпиясөздер немесе шот қауіпсіздігіне қатысты сұрақтар).
• Биометриялық идентификаторлар: оған бетті тану деректері, саусақ іздері, пернелерді басу уақыты, айналдыру позициясы және әрекет деректері немесе басқа физикалық үлгілер, мысалы, Visa-мен немесе оның клиенттерімен биометриялық аутентификацияны қолдана бастаған уақытыңыз сияқты деректер кіреді.
• Бизнес клиент деректері: оған компанияңыздағы лауазымыңыз туралы ақпарат, өнімдерді немесе қызметтерді пайдалану авторизациясы және тапсырыстарды орналастыру рұқсатыңыз; клиент/жеткізуші квалификациясы туралы мәлімет және қарым-қатынасқа байланысты бізбен бөлісілетін басқа деректер кіреді.
• Болжалды және туынды ақпарат: біздің қарым-қатынасымызды және транзакциялық ақпаратты талдау арқылы болжамдар жасаймыз және дерек элементтерін аламыз. Мысалы, маркетинг, қауіпсіздік немесе алаяқтық мақсатта адамның не нәрсеге қызығатынын, атрибуттарды және/немесе ұпайларды жасаймыз.
• Онлайн және техникалық ақпарат: оған біздің веб-сайттармен, қолданбалармен немесе жарнамалармен жасаған өзара әрекеттестігіңіз туралы ақпарат, оның ішінде IP мекенжайы, құрылғы идентификаторлары, параметрлер, сипаттамалар, жарнама идентификаторы, браузерді пайдалану тарихы, веб-сервер журналдары, сервер журналының жазбалары, әрекеттер журналының жазбалары, пернелерді басу уақыты және cookie файлдары мен соған ұқсас технологияларды пайдалану арқылы жиналған басқа ақпарат кіреді.
• Аудио және визуалды ақпарат: бізбен жасайтын әрекеттестік туралы аудио, электрондық, визуалдық немесе соған ұқсас ақпарат, оның ішінде фотосуреттер, видеосуреттер, CCTV жазбалары, колл-центр жазбалары, қоңырауды бақылау жазбалары және дауыстық хаттар кіреді.
• Мемлекеттік мекеме беретін идентификациялық нөмірлер: оған әлеуметтік жеке код, жүргізуші куәлігінің нөмірі, төлқұжат нөмірі және басқа да мемлекет тарапынан берілген идентификаторлар кіреді. Олар талаптарға сәйкес болу үшін немесе қарым-қатынас сипатына керек болуы мүмкін.
• Геолокация туралы ақпарат: оған нақты орналасқан жеріңіз туралы ақпарат кіреді. Егер сіз ондай ақпаратты жинауға рұқсат етсеңіз, ол ақпаратты мобильдік құрылғыңыздан автоматты түрде аламыз.
• Кәсіби және жұмыс туралы ақпарат: оған қызметкерлерге немесе болашақ қызметкерлерге арналған кәсіби немесе жұмысқа қатысты ақпарат, оның ішінде білімі мен жұмыс тәжірибесі сияқты үміткер және резюме деректері; қабілеттер және квалификациялар сияқты аталған қызметке лайықтылығы туралы ақпарат; кәсіби қызығушылықтары және мақсаттары; жұмыс істеуге құқық беретін құжаттама сияқты қызметкердің біліктілігі туралы жиналған ақпарат; және анықтамалар.
• Талаптарға сәйкестік туралы деректер: қолданыстағы заң талаптарына сәйкестігін көрсету үшін сақталатын жазбалар; маркетингілік бағдарламаларға келісетіні және келіспейтіні сияқты клиент параметрлеріне қатысты жазбалар және дерек субъектісінің құқықтарына қатысты жазбалар.

Осы санаттардағы кейбір жеке басқа қатысты ақпарат кейбір юрисдикцияларда құпия жеке ақпарат ретінде есептелуі мүмкін.

Біздің қарым-қатынасымызға және сізбен өзара әрекеттестігімізге байланысты сіз туралы жеке ақпаратты түрлі дереккөзден жинауымыз мүмкін. Ондай дереккөздер:

• Visa компаниясының төлем өнімін қолданғанда немесе Visa картаңызды басқан кездегідей солардың атынан әрекет етсеңіз, сіздің қаржылық институтыңыз, төлем картаңызды шығарушы мекеме, сатушылар, алушылар және басқа серіктестер;
• Сіз, Visa немесе бірлескен промосеріктестің карта сілтемесі ұсынатын бағдарламаларына, Visa төлеу үшін басу технологиясына тіркелгенде немесе бізге сауалнама жауаптарын берген кезде;
• Біздің платформалармен, веб-сайттармен және қолданбалармен немесе басқа автоматты технологиялармен (мысалы, колл-центрге келіп түскен қоңырауларды жазғанда және ғимараттарымызда CCTV камераларын қолданғанда) жұмыс істеген кезде сіздің компьютеріңіз немесе құрылғыларыңыз; және
• Басқа үшінші тараптар, оның ішінде дерек агрегаторлары, әлеуметтік желі компаниялары және басқа жалпыға ортақ дереккөздер. Одан бөлек, ішкі зерттеулер мен фондық режимде орындалатын скринингтерді жүргізуге көмектесетін анықтамалардан және үшінші тараптардан кәсіби және жұмысқа туралы ақпарат жиналуы мүмкін. Бизнес клиент туралы дерек сіздің жұмыс берушіңізден, сауда көрсетілімі және конференция ұйымдастырушыларынан және кәсіби қызмет көрсетуші компаниялардан алынады.

«Күнделікті бизнес мақсаттарға» мынадай бизнес мақсаттар және жеке ақпарат қолданылуы мүмкін соған ұқсас мақсаттар кіреді:

• Жеке тұлға сұрағандай немесе жеке басқа қатысты ақпарат жиналған контексті ескере отырып, ақылға қонымды болжағандай ақпаратты, өнімді немесе қызметті ұсыну үшін (мысалы, клиенттің аккаунтқа кіру деректері, клиентке қызмет көрсету, жекелендіру және ұнамды параметрлерді басқару, өнім жаңартуларын ұсыну, ақауларды түзету немесе қайтарып алу және дауды шешу);
• Жеке басты анықтау және аккаунт деректерін басқару, оның ішінде жеке бас верификациясы және аутентификациясы және жүйе мен технология әкімшілігі үшін;
• Жүйелердің, желілердің, қолданбалардың және деректердің қауіпсіздігін және тұтастығын қорғау, оның ішінде қауіпсіздікке қатысты мәселелерді анықтау, талдау және шешу, сонымен қатар киберқауіпсіздік орталықтарымен, консорциумдармен және құқық қорғау органдарымен біріге жұмыс істеу үшін;
• Алаяқтықты анықтау және оның алдын алу үшін;
• Заңды және нормативтік актілердің талаптарына сай болу үшін, оның ішінде заң бойынша талап етілген жеке басқа қатысты ақпараттың немесе ақшаның ізін жасыруға қарсы бағдарламалар, қауіпсіздік және оқыс оқиғаларға жауап бағдарламалары, зияткерлік мүлікті қорғау бағдарламалары және корпоративтік этика және талаптарға сәйкестік жөніндегі колл-центрлер сияқты компания саясаттары мен процедураларына сәйкестікке қажетті жеке ақпараттың барлық қолданысы мен жарияланымы;
• Корпоративтік аудит, анализ және есеп беру;
• Келісімшарт талаптарының орындалуын қадағалау үшін және жарақаттан, ұрлықтан, құқықтық жауапкершіліктен немесе теріс пайдаланушылықтан қорғау үшін және адамдарды немесе мүлікті қорғау үшін, оның ішінде физикалық қауіпсіздік бағдарламалары;
• Деректерді деидентификациялау, деперсонализациялау немесе анонимдеу үшін немесе есептер консолидациясы, зерттеу немесе аналитика сияқты біріктірілген дерек жинақтарын жасау;
• Бизнестің үздіксіз жұмыс істеуі үшін резервтік көшірмелер жасау және апаттан кейінгі қалпына келтіру жұмыстары үшін және
• Корпоративтік басқару, оның ішінде компаниялардың бірігуі, жұтылуы және сатылуын басқару үшін.

Жеке басыңызға қатысты ақпаратты мына заңды тұлғаларға жарияланады:

• Біздің еншілес компаниялар;
• Бізге қызмет көрсету мақсатында жұмыс істейтін қызмет провайдерлері;
• Төлемдер жасау үшін, алаяқтық әрекеттер мен қауіптерді басқару үшін, өнімдер мен қызметтерді ұсыну және әзірлеу үшін және Күнделікті бизнес мақсаттарымызға қолдау көрсету үшін қаржы мекемелері, сатушылар, төлем жүйелері және тиісті құпиялықты сақтауы қажет және пайдалану бойынша шектеулері бар басқа үшінші тараптар;  
• Біздің онлайн жарнамалық бағдарламаларымызға cookie файлдары және соған ұқсас құралдар арқылы деректер жинап, бізге көмектесетін жарнамаға қатысты үшінші тарап серіктестері;
• Мемлекеттік агенттіктер;
• Агенттіктерді жұмысқа тарту және сілтемелеріңіз (Кәсіби және жұмыс туралы ақпарат үшін); және
• Сіздің компанияңыз және оның еншілес компаниялары (Бизнес клиент деректері үшін).

Сонымен қатар заң бойынша талап етілгенде (мысалы, құқық қорғау органдары, реттеуші органдар немесе соттар талап еткенде) немесе біз бизнес активтерді сатқанда немесе тасымалдағанда, келісімшарттағы талаптардың орындалуын қадағалағанда, мүлкімізді немесе құқықтарымызды, басқа адамдардың қауіпсіздігі мен мүлкін қорғағанда немесе тексерулер, талаптарға сәйкестік талаптары және корпоративтік басқа тарапынан талап етілгенде жеке басқа қатысты ақпаратты жариялауымызға тура келеді.