Visa Solution қызмет көрсету шарттары

1. Visa Solution

Visa Solution қызметі Visa U.S.A. Inc. («Visa») тарапынан басқарылады. Visa бойынша байланыс ақпараты төмендегіБізбен байланысу бөлімінде қамтылған.

Осы Шарттарда қолданылғандай, «Visa Solution» келесілердің барлығын білдіретін болады: Visa Checkout брендімен не басқа атаумен аталатын, Visa Solution веб-сайтында немесе мобильді сайтта домен не субдомен («Веб-сайт») ретінде немесе шығарушы банк не төлем мекемесі, сатушы ұйым немесе өзге үшінші тұлға тарапынан ұсынылатын қолданба не функционалдылық арқылы қолжетімді болған, ағымдағы немесе болашақта қосылатын барлық Visa Checkout мүмкіндіктері, функционалдылығы және қызметтері (бәрі бірге - «Қызметтер»); Visa компаниясының немесе оның лицензиарларының Visa Solution қызметі арқылы қолжетімді болған логотиптері, дизайндары, мәтіндері, кескіндері, бейнелері, графикалары, бағдарламалық жасақтамалары және өзге мазмұндары мен материалдары, сондай-ақ, олардың таңдауы мен орналасуы (бәрі бірге - «Мазмұн»); және Visa компаниясының сіз үшін Visa Solution қызметін қолжетімді етуге байланысты болған жабдықтары, бағдарламалық жасақтамалары және желілері (бәрі бірге - «Visa Solution жүйесі»).

Visa Solution қызметі сізге (i) Visa кредит, дебет және қайта жүктеуге болатын алдын ала төленген карталары, сондай-ақ, Visa шешімі бойынша сіз Visa Solution қызметімен бірге пайдалануға құқылы болған өзге карталар мен төлем әдістері («Жарамды карталар») бойынша төлем шоты туралы ақпаратты және шот жіберу және жөнелту мекенжайлары секілді өзге қатысты ақпаратты («Карта мәліметтері») сақтау мүмкіндігін; және (ii) Visa Checkout белгісін немесе оны ауыстыратын қандай да бір басқа белгішені көрсететін сатушы ұйымдарда немесе өзге үшінші тұлғаларда Visa Solution қызметін төлем әдісі ретінде пайдалану мүмкіндігін ұсынады.

Сіз Visa Solution қызметін төлем әдісі ретінде пайдаланған кезде транзакцияны өңдеуі үшін сіздің төлеміңіз туралы ақпаратты және оған қатысты барлық мәліметтерді сатушы ұйымға немесе өзге тиісті үшінші тарапқа тасымалдаймыз.

Сатушы ұйымның немесе өзге тиісті үшінші тараптың транзакция туралы ақпаратты сіздің Жарамды картаңыз үшін қолданымды желіге тасымалдай алатынына және өзіңіз таңдаған Жарамды карта көмегімен транзакцияңыздың төленетініне келісесіз. Visa Solution қызметі транзакцияны жеңілдетуге көмектессе де, Visa транзакцияның ешбір тарабы болып табылмайды және Visa Solution қызметін пайдалануыңыз, оның ішінде тауарларды немесе қызметтерді сатып алу немесе қайтару бойынша сатушы ұйымға не сатушы ұйымнан жасалатын төлем тек сіз бен сатушы ұйым арасында ғана жүзеге асырылады.

Егер сіз Visa Solution көмегімен жасалған қандай да бір транзакция бойынша төлемнің қайтарылуын немесе транзакцияның жойылуын талап етсеңіз, тиісті сатушы ұйыммен және/немесе қаржы мекемесімен немесе сіз транзакция үшін қолданған Жарамды картаны шығарған өзге мекемемен (әрбірі - «Карта шығарушысы») байланысуыңыз қажет. Visa компаниясының транзакцияның ешбір тарабы болып табылмайтынын есте сақтаңыз, сондықтан Visa транзакция бойынша орын алатын осындай мәселелердің ешбірін шеше алмайды.

Visa Solution қызметін пайдалану арқылы сақталатын немесе қамтамасыз етілетін Карта мәліметтерінің сіздің тарапыңыздан немесе нақты бір юрисдикцияларда сіздің атыңыздан Карта шығарушыңыздың немесе сатушы ұйым не үшінші тұлға тарапынан берілетінін және жеке қаржылық ақпаратты қамтитынын растайсыз. Карталарды Visa Solution қызметі бойынша тек егер Карта шығарушыңыз сізді карта ұстаушысы немесе уәкілетті пайдаланушысы деп таныса және сіздің атыңыз Картада көрсетілген болса ғана пайдалана аласыз. Карта мәліметтерінің және өзіңіз Visa Solution қызметімен сақтайтын немесе Visa Solution қызметін пайдалану арқылы қамтамасыз ететін өзге ақпараттың толықтығына және дәлдігіне жауапты екеніңізді растайсыз және оған келісесіз. Visa компаниясы Visa карталарының Карта мәліметтері бойынша нақты бір растау тексерістерін орындауы мүмкін болса да, Visa компаниясы Карта мәліметтерінің немесе сіз қамтамасыз ететін өзге ақпараттың дәлдігіне, оның ішінде, Карта мәліметтерінің жаңартылған болып-болмауына жауапты болмайды. Алайда, сіз егер сіздің Карта шығарушыңыз сіздің Жарамды карталарыңыз туралы жаңартылған ақпаратты (жаңа карта нөмірі немесе жарамдылығының аяқталу мерзімі секілді) үшінші тұлғаларға қамтамасыз етуге уәкілеттендірілсе, сіздің Карта шығарушыңыз сол ақпаратты бізге де беруі мүмкін екенін түсінесіз.

Visa Solution қызметі қандай да бір банк немесе төлем шоты болып табылмайды және сізге не сатушы ұйымға ешқандай несие ұсынбайды. Visa Solution қызметінің көмегімен сіз жасайтын кез келген транзакция өзіңіз транзакция үшін қолданатын Жарамды картаға байланысты болған тіркелгіде көрсетіледі. Сол тіркелгінің төлемі тек сіз бен Жарамды карта Шығарушысының арасындағы мәселе болып табылады.

2. Қызмет көрсету шарттары

Visa Solution қызметі барлық Жарамды карталар үшін қолжетімді болмауы мүмкін. Оған қоса, Visa компаниясы Visa Solution қызметінен Жарамды карталарды өз білгенінше жоюы немесе Visa Solution қызметі үшін Жарамды карталардың белсендірілуін болдырмай қоюы мүмкін және сондай-ақ, Visa кез келген уақытта нақты бір немесе жалпы кредит, дебет немесе қайта жүктеуге болатын алдын ала төленген карталардың не өзге карталардың немесе Жарамды карталарды құрайтын төлем әдістерінің жарамдылығын қайта қарастыруы мүмкін.

3. Жарамдылық

Visa Solution қызметі тек келесі жеке тұлғалар үшін қолжетімді:

1. (i) келесі юрисдикциялардың резиденттері: Аргентина, Австралия, Бразилия, Канада, Чили, Қытай (материктік бөлігі және Гонконг), Колумбия, Франция, Үндістан, Ирландия, Кувейт, Малайзия, Мексика, Жаңа Зеландия, Перу, Польша, Катар, Сауд Арабиясы, Сингапур, Оңтүстік Африка, Испания, Украина, Біріккен Араб Әмірліктері, Біріккен Корольдік немесе Америка Құрама Штаттары (оның аумақтарын қосқанда), осы юрисдикциялардың әрбірі қолжетімді етілген («Жарамды юрисдикциялар»);
2. (ii) өз юрисдикциясында, провинциясында немесе тұратын аумағында заңды кәмелет жасына жеткендер; және
3. (iii) компьютерде немесе өзге құрылғыда Интернетке қосыла алатын; және
4. (iii) бір немесе бірнеше Жарамды картаның карта ұстаушысы немесе уәкілетті пайдаланушысы, сондай-ақ, Жарамды карта шоттары бойынша жақсы беделге ие болғандар.

Visa Solution қызметіне заңсыз немесе өзгеше шектеу қойылған жерлерден қатынасуға тыйым салынады.

4. Тіркеу және қауіпсіздік

Егер сіз Visa Solution қызметінде тіркелуді немесе қандай да бір Жарамды картаны белсендіруді таңдасаңыз, бізге өзіңіз туралы шынайы, нақты, өзекті және толық ақпаратты қамтамасыз етуге және мұндай ақпаратқа қандай да бір өзгеріс жасалған жағдайда бізді хабарландыруға келісесіз. Сіз Visa компаниясына дұрыс емес ақпаратты беруіңіздің нәтижесінде, оның ішінде Visa Solution қызметі туралы маңызды ақпарат пен жаңалықтарды ала алмай қалуыңыздың салдарынан туындайтын қандай да бір мәселе үшін Visa компаниясының қолданыстағы заңмен барынша рұқсат етілетін шамада жауапкершілік көтермейтінін растайсыз және оған келісесіз. Егер бізге қамтамасыз еткен қандай да бір ақпаратыңыз шынайы емес, нақты емес немесе толық емес деп күдіктену үшін Visa компаниясының орынды негіздері болса, Visa компаниясы Visa Solution қызметінде тіркелуіңізді не оны пайдалануыңызды кідіртуі немесе тоқтатуы, сондай-ақ, Visa Solution қызметін (немесе оның қандай да бір бөлігін) кез келген және барлық ағымдағы немесе болашақтағы қолдануларыңызды болдырмай қоюы мүмкін.

Тіркеуіңіздің бір бөлігі ретінде пайдаланушы атын құруыңыз қажет және кейбір нарықтарда құпиясөз орнату қажет болуы мүмкін. Осы дерек бөліктері сіз Visa Solution қызметін пайдаланған кезде сіздің аутентификацияңыз үшін қолданылады. Егер құпиясөз орнатуыңыз қажет болса, қорғанысыңыз үшін Visa Solution қызметі үшін бірегей болып табылатын құпиясөзді таңдауыңыз және пайдаланушы аты мен құпиясөзді есте сақтауыңыз, сондай-ақ, жеке компьютеріңізді, планшетіңізде, мобильді құрылғыңызда немесе Visa Solution қызметіне қатынасу үшін қолданылған өзге құрылғыда құпиясөзіңіздің жазбасын сақтамауыңыз қажет. Пайдаланушы атыңыздың және бар болған жағдайда құпиясөз(дер)іңіздің құпиялығын қорғауға өзіңіз жауаптысыз. Оған қоса, құрылғыңызда немесе браузеріңізде сақталып қалуды таңдасаңыз немесе Visa Solution қызметін пайдалануыңызды бір немесе бірнеше құрылғыда цифрлық әмиянмен байланыстырсаңыз, бұл құрылғылардың қауіпсіздігін және оларға қатынасуды қорғауға өзіңіз жауапты боласыз. Солай істеуіңіз маңызды болып табылады, себебі Жарамды картаңыздың өзге тұлғалар тарапынан рұқсатсыз пайдаланылуы нәтижесінде сізге келетін шығындардың ешбіріне жауапты болмаймыз және жағдайларға қарай сіздің Карта шығарушыңыз Жарамды карта шотыңыздың рұқсатсыз пайдаланылуы бойынша жауапкершілікті сізге жүктеуі мүмкін. Егер сіздің пайдаланушы атыңыз және қолданылған жағдайда құпиясөзіңіз, немесе Жарамды картаңыз Visa Solution қызметінде өзге тұлғалар тарапынан рұқсатсыз пайдаланылса, немесе есте сақталып қалу не Visa Solution қызметінің қолданысын цифрлық әмиянмен байланыстыру үшін таңдаған қандай да бір құрылғы(лары)ңыз жоғалып қалса не ұрланса немесе өзгеше түрде өзге тұлғалардың рұқсатсыз қатынасуына ұшыраса, немесе Visa Solution қызметін пайдалануға қатысты қауіпсіздіктің нақты немесе ықтималды бұзылуы орын алса, Visa компаниясын дереу хабарландыруға келісесіз. Visa компаниясы сіздің Жарамды карталарыңызды жою немесе Visa Solution қызметін пайдалануыңызды кідірту не тоқтату және/немесе егер қандай да бір құпиясөзіңіз болса және Visa оның енді қауіпсіз емес деп ойласа, оны өзгертуді талап ету құқығын сақтайды.

Сіз өзіңіздің Жарамды карталарыңызды Visa Solution қызметінде пайдалану бойынша және Visa Solution қызметін пайдалануыңыздың және оған қатынасуыңыздың осы Шарттарға толықтай сәйкес келуін қамтамасыз етуге жауаптысыз.

Біз Visa Solution қызметі бойынша орындалатын қауіпсіздік шараларын тұрақты түрде қарастырып тұрамыз. Дегенмен, біз сіздің Интернет арқылы жіберетін ақпаратыңыздың толық қорғалғандығына кепілдік бере алмаймыз.

5. Карта ұстаушысымен жасалған келісімдер

Бұл Шарттар Жарамды карта бойынша сіздің Карта шығарушыңызбен жасалған келісімдердің («Карта ұстаушысымен жасалған келісім») ешбірін өзгертпейді. Осы Шарттар мен Карта ұстаушысымен жасалған келісіміңіздің арасында қандай да бір қайшылық орын алған жағдайда бұл Шарттар тек Visa Solution қызметі бойынша Visa мен сіздің араңыздағы қарым-қатынасты реттейді және сіздің Карта ұстаушысымен жасалған келісіміңіз сіздің Карта шығарушыңыз бен сіздің араңыздағы қарым-қатынасты реттейді. Сіз Visa Solution қызметін пайдалануыңыздың Карта ұстаушысымен жасалған келісімге сәйкес келуін қамтамасыз етуге жауаптысыз.

6. Төлемдер және салықтар

Сіз қандай да бір жабдық, құрылғы, бағдарламалық жасақтама, сымсыз желі және Интернет қатынасын сатып алу, сондай-ақ, Visa Solution қызметін пайдалануыңызға немесе оған қатынасуыңызға қажетті болған өзге бұйымдарды сатып алу, оларға қатысты болған барлық төлемдер, шығындар немесе барлық өзге алымдар бойынша тек өзіңіз жауаптысыз. Сіз Visa Solution қызметі бойынша өзіңіз қолданатын Жарамды карталардың Карта шығарушысы алатын пайыздық мөлшерлемелер, алымдар, төлемдер немесе шығындар үшін және Visa Solution қызметін пайдалануыңызға қатысты салықтар мен салық есептілігі жөніндегі міндеттемелер үшін тек өзіңіз жеке-дара жауаптысыз.

7. Visa Solution жөнінде электрондық пошта алуға жазылу

Кейбір елдер мен аумақтарда пайдаланушыларға Visa Solution қызметі туралы электрондық пошта алуға жазылу таңдауын ұсынуымыз мүмкін. Егер сіз Электрондық пошта алуға жазылсаңыз, Visa-дан ауық-ауық науқандық электрондық пошталар алып тұруға келісесіз. Әрбір науқандық электрондық пошта сізге Электрондық пошта жазылымынан бас тартуға мүмкіндік беретін сілтемені және/немесе электрондық пошта бойынша таңдауларыңызды реттей алатын немесе Электрондық пошта жазылымынан бас тартуға болатын сілтемені қамтиды. Электрондық пошта жазылымы Visa Solution қызметі бойынша Visa компаниясының жіберуі мүмкін болған әкімшілік электрондық пошталарының жиілігіне әсер етпейді. Сізге науқандық электрондық пошталарды жіберу үшін ешқандай ақы алынбайды, бірақ үшінші тұлғалардың деректері үшін ақы алынуы мүмкін. Егер Visa Solution қызметінде тіркелмеген болсаңыз, нақты бір науқандардың артықшылықтарын пайдалана алмауыңыз мүмкін екенін ескеріңіз.

Сіз алатын кейбір науқандарда науқанға тән қосымша шарттар мен талаптар, құпиялылық туралы ескертпелер немесе өзге жарияланымдар және/немесе талаптар болуы мүмкін. Мұндай науқандарға қатысуды таңдаудан бұрын осы барлық қосымша шарттарды, жарияланымдарды және/немесе талаптарды қарап шығыңыз.

8. Өзге электрондық пошта байланыстары

Кейбір нарықтарда Visa Solution қызметі сізге өзге адамға Visa Solution қызметі туралы электрондық пошта немесе өзге электрондық хабарлама жіберу мүмкіндігін қамтамасыз етуі мүмкін. Егер сіз бізге басқа адамның электрондық поштасының мекенжайын немесе басқа байланыс ақпаратын берсеңіз, солай істеуге рұқсатыңыздың бар екенін мәлімдейсіз және оған кепілдік бересіз, сондай-ақ, бізге сіздің атыңыздан электрондық хабарлама жіберуге тікелей рұқсат бересіз. Оған қоса, алушы жоғарыдағы 3(i) және 3(ii) бөлімінің талаптарына сай келуі керек. Біз қандай да бір электрондық поштаны Visa-дағы немесе өзге қолданыстағы «байланыспау» немесе «электрондық пошта жібермеу» тізімінде орын алған электрондық пошта мекенжайына немесе алушының тікелей келісімін қажет ететін юрисдикцияларға тасымалдамауға шешім қабылдамауымыз мүмкін.

9. Құпиялылық

Сіз Visa Solution қызметін пайдаланған кезде Visa және оның Филиалдары сіздің жеке ақпаратыңызды қалай жинайтыны, қорғайтыны және бөлісетіні туралы ақпарат алу үшін Visa Solution құпиялылық ескертпесін ("Құпиялық ескертпесі") оқыңыз.

Егер сіз өзіңіздің карта шығарушыңыз немесе сатушы ұйым секілді не Visa Solution қызметі арқылы қолжетімді болған және Visa Solution төлем жасау тәжірибесін жеңілдетуге көмектесетін өзге тұлғалар секілді басқа үшінші тұлға тарапынан басқарылатын қызметтерге тіркелсеңіз немесе оларды пайдалансаңыз, сол қызметтер үшін қолданылатын қосымша немесе өзгеше дерек тәжірибелерін сипаттайтын қосымша немесе өзгеше құпиялық ескертпелері болуы мүмкін (карта шығарушыңыздың немесе осындай үшінші тұлғаның құпиялық ескертпесі секілді). Сондай-ақ, өзге Visa өнімдері мен веб-сайттарының өз бөлек құпиялық ескертпелері болуы мүмкін.

10. Жекеменшік құқықтары

Visa Solution қызметіндегі барлық жекеменшік құқықтары, оның ішінде Мазмұн құқықтары Visa, оның Филиалдары және олардың лицензиарлары тарапынан сақталады және қолданыстағы авторлық құқықтармен, сауда белгілері мен өзге жекеменшік (оның ішінде зияткерлік жекеменшік) құқықтарымен және халықаралық келісімдермен қорғалады. Осы Шарттар арқылы сізге тікелей берілмеген барлық құқықтарды Visa, оның Филиалдары мен олардың лицензиарлар сақтайды. Осы Шарттардағы ешнәрсе сізге Visa-ның, оның Филиалдарының және үшінші тараптардың сауда белгілерін, қызмет белгілерін, логотиптерін немесе өзге фирмалық белгілерін пайдалану құқығын бермейді. «Филиал» — Visa тарапынан басқарылатын, Visa-ны басқаратын және Visa-мен жалпылай басқарылатын ұйым.

11. Лицензияны беру

Visa сізге Visa Solution қызметін осы Шарттарға сәйкес Visa Solution жүйесінде тіркеулі болған мерзім бойы пайдалану үшін шектеулі, қайтарылмалы, эксклюзивті емес, сублицензиялауға болмайтын және өзгеше тасымалданбайтын лицензияны береді. Visa өз білгенінше кез келген уақытта кез келген себеппен осы лицензияны кідіртуі немесе тоқтатуы мүмкін. Сізге тікелей берілмеген барлық құқықтарды Visa, оның Филиалдары мен олардың лицензиарлары сақтайды.

12. Пікірлер

Егер сіз Visa Solution қызметі бойынша өз пікірлеріңізді немесе ұсыныстарыңызды жіберсеңіз, сіздің алдыңызда ешқандай міндеттеме көтерусіз, сіздің пікірлеріңізді немесе ұсыныстарыңызды пайдалануымыз мүмкін.

13. Пайдаланушының әрекеттері

Сіз Visa Solution қызметін пайдалануыңызға қатысты қолданылатын барлық заңдарды, ережелерді және нормативтерді және өзге заң талаптарын сақтауға келісесіз. Оған қоса, мыналарға келісесіз:

• Visa Solution қызметін тек заңмен рұқсат етілген түрде пайдалануға;
• Visa Solution қызметін осы Шарттарды бұзатын түрде пайдаланбауға;
• Visa Solution қызметінің немесе Visa Solution қызметінің қандай да бір бөлігінің қауіпсіздігін немесе жұмысын бұзбауға не оған кедергі жасамауға немесе өзгеше түрде теріс пайдаланбауға;
• Visa Solution қызметіне немесе Visa Solution қызметінің жалпы қолданыстан шектелген бөліктеріне рұқсатсыз қатынас алуға талпынбауға;
• Visa Solution қызметін жалған және/немесе қорлаушы, балағаттаушы, дөрекі, жек көруші, қудалаушы, әдепсіз, Құдайға тіл тигізетін, бопсалаушы, адамдардың жеке өміріне қол соғушы немесе қандай да бір үшінші тұлғаның құқықтарын бұзатын түрде пайдаланбауға;
• Visa Solution қызметін қандай да бір формада қайта шығармауға немесе Visa Solution қызметін қандай да бір электрондық, механикалық немесе басқа ақпарат іздеу жүйесінде сақтамауға немесе оған қоспауға;
• Visa Solution қызметін немесе оның қандай да бір бөлігін көшірмеуге, имитациясын жасамауға, клондамауға, жалға бермеуге, сатпауға, коммерциялық мақсаттарда пайдаланбауға, модификацияламауға, декомпиляцияламауға, бөлшектемеуге, таратпауға, кері инжинирингін жасамауға немесе тасымалдамауға;
• Visa Solution қызметінің тиісті түрде жұмыс істеуіне кедергі жасау немесе кедергі жасауға талпыну үшін ешқандай құрылғыны, бағдарламалық жасақтаманы немесе процедураны пайдаланбауға және/немесе Visa компаниясының өз білгенінше анықтағанындай, Visa Solution жүйесіне тым үлкен немесе мөлшерлес емес ауыртпалық түсіретін қандай да бір іс-әрекетті орындамауға; және
• Visa немесе сіздің Карта шығарушыңыз тарапынан ауық-ауық қойылатын өзге талаптар мен шектеулердің барлығын сақтауға.

14. Кепілдіктерден бас тарту және Жауапкершілікті шектеу туралы мәлімдеме

VISA SOLUTION, ТОЛЫҒЫМЕН ЖӘНЕ ІШІНАРА, СОНЫҢ ІШІНДЕ БАРЛЫҚ ҚЫЗМЕТТЕР, БАР ЖӘНЕ ҚОЛЖЕТІМДІ КҮЙІНДЕ, АШЫҚ НЕМЕСЕ ТҰСПАЛДАНАТЫН ЕШБІР ТҮРДЕГІ КЕПІЛДІКСІЗ, СОНЫҢ ІШІНДЕ МЕНШІК ҚҰҚЫҒЫ ТУРАЛЫ КЕПІЛДІКСІЗ, САТУ МҮМКІНДІГІ НЕМЕСЕ НАҚТЫ МАҚСАТҚА СӘЙКЕСТІК ТУРАЛЫ ТҰСПАЛДАНАТЫН КЕПІЛДІКСІЗ ҚАМТАМАСЫЗ ЕТІЛЕДІ. БІЗ VISA SOLUTION ЖҮЙЕСІНІҢ ВИРУССЫЗ БОЛАТЫНЫНА НЕМЕСЕ VISA SOLUTION ЖҮЙЕСІНЕ ҚАТЫНАСУ КЕДЕРГІСІЗ БОЛАТЫНЫНА КЕПІЛДІК БЕРМЕЙМІЗ. ҚОЛДАНЫСТАҒЫ ЗАҢМЕН БАРЫНША РҰҚСАТ ЕТІЛЕТІН ШАМАДА СІЗ VISA SOLUTION ҚЫЗМЕТІН ПАЙДАЛАНУЫҢЫЗҒА, ӘРІ ОНЫҢ НӘТИЖЕЛЕРІ МЕН ӨНІМДІЛІГІНЕ ТЕК ӨЗІҢІЗ ЖАУАПКЕРШІЛІК ПЕН ТӘУЕКЕЛДІ ҚАБЫЛДАЙТЫНЫҢЫЗДЫ РАСТАЙСЫЗ ЖӘНЕ ОНЫМЕН КЕЛІСЕСІЗ.

ЕШБІР ЖАҒДАЙДА ЖӘНЕ ЕШБІР ӘРЕКЕТ СЕБЕБІНІҢ НЕГІЗІНДЕ, СОНЫҢ ІШІНДЕ САЛҒЫРТТЫҚ СЕБЕБІНІҢ НЕГІЗІНДЕ VISA ЖӘНЕ ОНЫҢ ФИЛИАЛДАРЫ, ОЛАРДЫҢ ЛАУАЗЫМДЫ ТҰЛҒАЛАРЫНЫҢ, ДИРЕКТОРЛАРЫНЫҢ, ТҰТЫНУШЫЛАРЫНЫҢ, МҮШЕЛЕРІНІҢ, ҚЫЗМЕТКЕРЛЕРІНІҢ НЕМЕСЕ УӘКІЛЕТТІ АГЕНТТЕРІНІҢ (БӘРІ БІРГЕ - «VISA ТАРАПТАРЫ») ЕШБІРІ ҚАНДАЙ ДА БІР ЖАУАПКЕРШІЛІК ТЕОРИЯСЫ БОЙЫНША, VISA SOLUTION ҚЫЗМЕТІНЕН ЖӘНЕ/НЕМЕСЕ ОСЫ ШАРТТАРДАН НЕМЕСЕ ОЛАРҒА БАЙЛАНЫСТЫ ТУЫНДАҒАН ЗАЛАЛДАРҒА, ШАҒЫМДАРҒА НЕМЕСЕ ШЫҒЫНДАРҒА (СОНЫҢ ІШІНДЕ СОНЫҢ ІШІНДЕ, ӨТЕМДІК, КЕЗДЕЙСОҚ, ЖАНАМА, АРНАЙЫ, САЛДАРЛЫҚ, ЖАЗАЛАУШЫ НЕМЕСЕ АЙЫППҰЛДЫҚ ЗАЛАЛДАРҒА) ЕГЕР VISA ТАРАБЫ ОСЫНДАЙ ЗАЛАЛДАРДЫҢ, ШАҒЫМДАРДЫҢ НЕМЕСЕ ШЫҒЫНДАРДЫҢ ТУЫНДАУ ЫҚТИМАЛДЫЛЫҒЫ ТУРАЛЫ ХАБАРЛАНДЫРЫЛҒАН БОЛСА ДА, ЖАУАПТЫ БОЛМАЙДЫ.

ЖОҒАРЫДА АТАЛҒАНДАРДЫҢ ЖАЛПЫЛЫҒЫН ШЕКТЕМЕСТЕН, VISA ТАРАПТАРЫ СІЗДІҢ АЛДЫҢЫЗДА НЕМЕСЕ ҮШІНШІ ТАРАПТАРДЫҢ АЛДЫНДА КЕЛЕСІЛЕР ҮШІН ЖАУАПТЫ БОЛМАЙДЫ: (I) VISA SOLUTION ҚЫЗМЕТІН ПАЙДАЛАНУЫҢЫЗ НЕМЕСЕ ҚАНДАЙ ДА БІР СЕБЕППЕН, СОНЫҢ ІШІНДЕ КАРТА ШЫҒАРУШЫҢЫЗДЫҢ VISA SOLUTION ТРАНЗАКЦИЯСЫН АВТОРИЗАЦИЯЛАУДАН БАС ТАРТУЫ НЕМЕСЕ САТУШЫ ҰЙЫМНЫҢ VISA SOLUTION ТРАНЗАКЦИЯСЫН ҚАБЫЛДАМАУЫ СЕБЕБІНЕН ПАЙДАЛАНА АЛМАУЫҢЫЗ; (II) СІЗ VISA SOLUTION ҚЫЗМЕТІНЕ БАЙЛАНЫСТЫ САТЫП АЛҒАН НЕМЕСЕ АЛҒАН КЕЗ КЕЛГЕН ТАУАРЛАР, ҚЫЗМЕТТЕР НЕМЕСЕ АҚПАРАТ, СОНЫҢ ІШІНДЕ МҰНДАЙ ТАУАРЛАРДЫ, ҚЫЗМЕТТЕРДІ НЕМЕСЕ АҚПАРАТТЫ АЛА АЛМАУЫҢЫЗ НЕМЕСЕ ҚАЙТАРА АЛМАУЫҢЫЗ; (III) САТУШЫ ҰЙЫМ МЕН СІЗДІҢ АРАҢЫЗДА ТУЫНДАЙТЫН ДАУЛАР; (IV) VISA SOLUTION ҚЫЗМЕТІ АРҚЫЛЫ ҚАМТАМАСЫЗ ЕТІЛГЕН ҚАНДАЙ ДА БІР АҚПАРАТТА ҚАМТЫЛҒАН КЕЗ КЕЛГЕН НАҚСЫЗДЫҚ, ТОЛЫҚСЫЗДЫҚ НЕМЕСЕ ЖАЛҒАН АҚПАРАТ; (V) ДЕРЕКТЕРІҢІЗГЕ НЕМЕСЕ VISA SOLUTION ҚЫЗМЕТІНЕ ҚАТЫСТЫ НЕМЕСЕ ОНЫМЕН БІРГЕ ЖИНАЛҒАН, САҚТАЛҒАН НЕМЕСЕ ЖІБЕРІЛГЕН ӨЗГЕ АҚПАРАТҚА ҮШІНШІ ТҰЛҒАЛАРДЫҢ РҰҚСАТСЫЗ ҚАТЫНАСУЫ НЕМЕСЕ ОЛАРДЫҢ ӨЗГЕРТІЛУІ НЕ ЖОҒАЛУЫ; (VI) ҚАТЕЛЕР, ЖҮЙЕ ЖҰМЫСЫНЫҢ ТОҚТАУЫ, ЖЕЛІ НЕМЕСЕ ЖҮЙЕ АҚАУЛАРЫ, ФАЙЛДАРДЫҢ БҮЛІНУІ НЕМЕСЕ ҚЫЗМЕТТЕРДІҢ ҮЗІЛУІ; НЕМЕСЕ (VII) VISA SOLUTION ҚЫЗМЕТІН ӨЗГЕ КЕЗ КЕЛГЕН ТҮРДЕ ҚОЛДАНУЫҢЫЗ. ОҒАН ҚОСА, VISA ТАРАПТАРЫ ТІКЕЛЕЙ НЕМЕСЕ ЖАНАМА ТҮРДЕ ЖАБДЫҚТЫҢ БҰЗЫЛУЫ, ДЕРЕКТЕРДІ ЖІБЕРУ НЕМЕСЕ ЖЕТКІЗУ МӘСЕЛЕЛЕРІ НЕМЕСЕ ҚАНДАЙ ДА БІР ӨНЕРКӘСІПТІК МӘСЕЛЕЛЕР, СОҒЫС, ТАБИҒИ АПАТ, ЛАҢКЕСТІК ӘРЕКЕТ, ЖАРЫЛЫС, ДҮЛЕЙ АПАТ ЖАҒДАЙЫНДА НЕМЕСЕ БІЗДІҢ БАҚЫЛАУЫМЫЗДАН ТЫС ҚАНДАЙ ДА БІР БАСҚА ЖАҒДАЙ ОРЫН АЛҒАН КЕЗДЕ ОСЫ ШАРТТАРДАҒЫ МІНДЕТТЕМЕЛЕРДІҢ ОРЫНДАЛМАЙ ҚАЛУЫНА ЖАУАПТЫ БОЛМАЙДЫ.

ОСЫНДА ҚАМТЫЛҒАНДАРҒА ҚАРАМАСТАН, VISA ТАРАПТАРЫНЫҢ ҚАНДАЙ ДА БІР ӘРЕКЕТ СЕБЕБІНЕН ТУЫНДАЙТЫН СІЗДІҢ АЛДЫҢЫЗДАҒЫ ЖАЛПЫ ЖАУАПКЕРШІЛІГІ БАРЛЫҚ УАҚЫТТАРДА (A) СІЗДІҢ НАҚТЫ ШЫҒЫНЫҢЫЗДАН АЗЫРАҚ БОЛАДЫ НЕМЕСЕ (B) 100 АҚШ ДОЛЛАРЫН (НЕМЕСЕ ЖЕРГІЛІКТІ ВАЛЮТАДАҒЫ БАЛАМА СОМАНЫ) ҚҰРАЙДЫ.

КЕБІР ЮРИСДИКЦИЯЛАР ЖАУАПКЕРШІЛІКТЕН БАС ТАРТУҒА, НАҚТЫ БІР КЕПІЛДІКТЕРДЕН, МІНДЕТТЕМЕЛЕРДЕН ЖӘНЕ ЗАЛАЛДАРДАН БАС ТАРТУҒА НЕМЕСЕ ОЛАРДЫ ШЕКТЕУГЕ, РҰҚСАТ ЕТПЕЙДІ, СОНДЫҚТАН ЖОҒАРЫДАҒЫ ЖАУАПКЕРШІЛІКТЕН БАС ТАРТУ МӘЛІМДЕМЕЛЕРІ ЖӘНЕ ШЕКТЕУЛЕР СІЗГЕ ҚАТЫСТЫ БОЛМАУЫ МҮМКІН. МҰНДАЙ ЮРИСДИКЦИЯЛАРДА VISA ТАРАПТАРЫНЫҢ МІНДЕТТЕМЕСІ ҚОЛДАНЫСТАҒЫ ЗАҢМЕН БАРЫНША РҰҚСАТ ЕТІЛЕТІН ШАМАДА ШЕКТЕЛЕДІ. ОСЫ ШАРТТАРДАҒЫ ЕШНӘРСЕ (A) VISA ТАРАПТАРЫНЫҢ САЛҒЫРТТЫҒЫ СЕБЕБІНЕН ОРЫН АЛҒАН ӨЛІМ НЕМЕСЕ ЖАРАҚАТ АЛУ ЖАҒДАЙЛАРЫНДА, (B) АЛАЯҚТЫҚ НЕМЕСЕ АЛАЯҚТЫҚ ДЕП САНАЛАТЫН ЖАЛҒАН МӘЛІМДЕМЕЛЕР ЖАСАЛҒАН ЖАҒДАЙЛАРДА НЕМЕСЕ (C) VISA ТАРАПТАРЫНЫҢ ӨЗ МІНДЕТТЕМЕСІНЕН БАС ТАРТУЫ НЕМЕСЕ ШЕКТЕУІ НЕМЕСЕ БАС ТАРТУҒА НЕ ШЕКТЕУГЕ ТАЛПЫНУЫ ЗАҢСЫЗ БОЛЫП САНАЛАТЫН КЕЗ КЕЛГЕН ЖАҒДАЙДА VISA ТАРАПТАРЫНЫҢ МІНДЕТТЕМЕСІН ЖОЙМАЙДЫ.

15. Қолдамау; сату ұйымдарымен орын алатын даулар

Visa келесілерді қолдамайды және оларға жауапты болмайды: (i) Карта шығарушылары немесе төлем желілерінің не цифрлық әмияндардың операторлары немесе төлем жасау тәжірибесін жеңілдетуге көмектесетін немесе Visa Solution қызметіне байланысты өзіңіз қолдануыңыз мүмкін болған өзге үшінші тараптар; (ii) Visa Solution қызметіне байланысты сатылып алынған тауарлар немесе қызметтер немесе жасалған транзакциялар; (iii) Visa Solution қызметіне байланысты сатылып алынған тауарларды не қызметтерді немесе жасалған транзакцияларды мойындау немесе жүзеге асыру; және (iv) Visa Solution қызметі бойынша тауарлары немесе қызметтері сатылып алынуы мүмкін болған немесе транзакция жасайтын сату ұйымдары. Егер Visa Solution жүйесі арқылы жасалған транзакция бойынша сату ұйымымен қандай да бір дау туындаса, дауды тікелей сату ұйымымен немесе карта шығарушыңызбен шешуге жеке-дара жауаптысыз. Visa Solution қызметінің қалай жұмыс істейтініне қарай Visa транзакцияда ешбір тарап болып табылмайды.

16. Үшінші тарап веб-сайттары, мазмұны және ресурстары

Visa Solution қызметі транзакция тәжірибесін жеңілдетуге көмектесетін үшінші тараптар, соның ішінде олардың веб-сайттары, домендері немесе қолданбалары арқылы қолжетімді болуы және сізге осындай үшінші тараптармен немесе үшінші тарап веб-сайттарымен, мазмұнымен және ресурстарымен, соның ішінде әлеуметтік желісімен тікелей байланыстарды орнатуға және оларға қатынасуға рұқсат етуі мүмкін. Сіз Visa компаниясының осындай үшінші тараптарды немесе олардың көзқарастарын, пікірлерін немесе мазмұндарын немесе Visa-дан басқа компаниялар немесе тұлғалар тарапынан қолжетімді етілген веб-сайттарды, домендерді, қолданбаларды, мазмұнды немесе ресурсты бақыламайтынын және міндетті түрде олармен келіспейтінін растайсыз. Сіз Visa-ның осындай веб-сайттардың, домендердің, қолданбалардың, мазмұнның немесе ресурстардың қолжетімділігіне жауапты емес екенін растайсыз және онымен келісесіз. Сондай-ақ, Visa-ның осы үшінші тараптардың, соның ішінде үшінші тараптардың веб-сайттары, домендері, қолданбалары, мазмұны немесе ресурстары, соның ішінде Visa Solution қызметі арқылы өңделген сатып алу процестеріне қатысты орын алған шығындар немесе залалдар себебінен сізге келуі мүмкін болған шығындардың немесе залалдардың ешбірі үшін сіздің алдыңызда жауапты емес екенін растайсыз.

17. Visa Solution қызметі мен осы Шарттардың модификациясы; Тоқтатылуы

Visa өз білгенінше, Visa Solution қызметінің кез келген немесе барлық аспектілерін, соның ішінде Visa Solution қызметінің кез келген бөлігінің қолжетімділігін кез келген уақытта сізді ескерту арқылы немесе ескертусіз уақытша немесе біржола тоқтатуы, өзгертуі, модификациялауы, кідіртуі, жетілдіруі мүмкін және сіз Visa-ның осындай әрекеттерді орындағаны үшін сіздің алдыңызда немесе үшінші тараптардың алдында жауапты болмайтынымен келісесіз. Егер Visa Solution қызметінің қандай да бір немесе барлық аспектілері өзгертілгеннен, модификацияланғаннан немесе жетілдірілгеннен кейін Visa Solution қызметін пайдалануды жалғастырсаңыз, осындай өзгерістерді, модификацияларды немесе жетілдірулерді, сондай-ақ, осы Шарттардың Visa Solution қызметіне осындай өзгерістермен, модификациялармен немесе жетілдірулермен бірге қолданылатынын қабылдаған болып саналасыз.

Егер осы Шарттардың қандай да бірімен келіспесеңіз, Visa Solution қызметін пайдаланбауыңыз қажет. Visa кез келген уақытта өз білгенінше осы Шарттарды модификациялау құқығын сақтайды. Visa жағдайға қарай орынды деп табатын жолмен ескерте отырып, соның ішінде өзіміздің Веб-сайтымызда немесе Visa Solution қызметін қамтамасыз ету мақсаттарында жұмыс істейтін кез келген басқа веб-сайтта ескерте отырып, жаңа нұсқаны жолдау арқылы осы Шарттарды өзгертуі мүмкін. Біз осы Шарттардың ең жаңа нұсқасын әрқашан Веб-сайтта жолдап тұрамыз. Ең соңғы модификациялау күні төмендегі «Соңғы жаңарту күні» жолында көрсетіледі. Қолданыстағы заңмен барынша рұқсат етілетін шамада кез келген осындай модификациядан кейін Visa Solution қызметін пайдалануды немесе оған қатысуды жалғастыруыңыз осы Шарттарды модификацияланған түрде қабылдайтыныңызды білдіреді.

Кез келген уақытта, соның ішінде, егер Шарттарға енгізген өзгертулер сіздің көңіліңізден шықпаса, Visa Solution қызметін пайдалануды тоқтатуыңызға болады. Visa Solution веб-сайтының Тұтынушыларға қолдау көрсету бөліміндегі нұсқауларды орындау арқылы Visa Solution қызметіне тіркелуден бас тартуыңызға болады. (i) Егер сіз осы Шарттардың қандай да бірін бұзсаңыз немесе (ii) кез келген басқа қисынды коммерциялық мақсат үшін Visa компаниясы Visa Solution қызметін пайдалануыңызды немесе оған қатынасуыңызды өз білгенінше кез келген уақытта дереу және алдын ала ескертусіз немесе сіздің алдыңызда міндеттеме көтерусіз кідіртуі немесе тоқтатуы мүмкін. Visa компаниясы Visa Solution қызметін пайдалануыңызды немесе оған қатынасуыңызды кідірткені, тоқтатқаны, өзгерткені немесе модификациялағаны үшін сіздің алдыңызда жауапты болмайды. Тоқтатудан кейін сіз осы Шарттар бойынша өзіңіз көтеретін барлық төлемдер мен өзге міндеттемелер үшін жауапты болып қала бересіз.

18. Жалпы шарттар

1. a. Ескертулер.

   Сіз Visa Solution қызметін пайдалануыңыз бойынша Visa-ның сізге электрондық пошта арқылы ескертулер мен өзге жарияланымдарды жіберуі, Веб-сайтта жолдамалар жасауы немесе өзге электрондық хабарламаларды қамтамасыз етуі мүмкін екенімен келісесіз. Бізден сізге жіберілетін барлық электрондық хабарламалар «жазбаша түрдегі» хабарламалар болып есептеледі және сіз нақты алған күннен ертерек жеткізілген немесе жолдаудан не таратудан бес күннен кейін жеткізілген болып саналады. Біз сізге Visa Solution қызметін пайдалануыңызға қатысты қағаз түріндегі қосымша хабарламаларды қамтамасыз етуге тиісті емеспіз.

   Сіз электрондық поштаңызды бізден жіберілетін хабарламаларға тұрақты түрде тексеріп тұруға жауаптысыз. Бізден жіберілетін электрондық пошталардың сіздің электрондық пошта тіркелгіңізде бұғатталып қалмағанын, сондай-ақ, бізге өзіңіз берген электрондық пошта мекенжайының әлі де өзекті екенін тексеріп тұруыңыз қажет. Оған қоса, сіз бізге өзіңіз электрондық түрде жіберген кез келген нұсқаулар бойынша әрекет етуімізге рұқсат бересіз.

   Visa Solution тіркелгісі бойынша қандай да бір ақпаратқа электрондық түрде қатынасу немесе қандай да бір іс-әрекетті орындау үшін Visa Solution тіркелгісінде пайдаланушы атыңыз болуы қажет.

2. ә. Бас тарту.

   Біздің осы Шарттарда қамтылған кез келген шартты немесе құқықты қолданбауымыз немесе сақталуын қамтамасыз етпеуіміз, я болмаса оларды кешіктіруіміз осындай шарттан немесе құқықтан бас тарту деп есептелмеуі керек.

3. б. Толық Келісім.

   Осы Шарттар Visa Solution қызметін пайдалануыңыз бойынша Visa мен сіздің араңызда бүкіл келісімді құрайды.

4. в. Келісімнің ажырағыштығы.

   Сіз және Visa егер осы Шарттардың қандай да бір бөлігі заңсыз, жарамсыз (соның ішінде заң талабына орай) немесе қандай да бір себеппен құзыретті юрисдикцияның сотымен орындалуы мүмкін емес деп танылса, сол бөлігі осы Шарттардан ажыраған болып есептеледі де, қалған бөліктердің жарамдылығына және орындалуына әсер етпейді.

5. г. Келісімнің түсінілуі.

   Тақырыптар мен атаулар тек ыңғайлылықты қамтамасыз етуге арналған және олар Келісімнің түсінілуі мақсатында қамтылған деп есептелмеуі керек. «Осының», «осында» және «осымен» сөздері осы Шарттардың қандай да бір нақты бөлігіне емес, барлық бөліктеріне қатысты қолданылады. «Соның ішінде» термині «соның ішінде, бірақ бұлармен шектелмей» мағынасын білдіреді. Осында пайдаланылған жекеше түр көпше түрді, көпше түр жекеше түрді қамтиды, ал қолданылған қандай да бір жыныс барлық жыныстарды білдіре береді.

6. ғ. Тараптардың қарым-қатынасы.

   Осы Шарттардағы ешнәрсе сіз бен біздің арамызда бірлескен кәсіпорынның не серіктестіктің құрылуын, жұмысқа алуды немесе агенттік қарым-қатынасты білдірмейді және Visa-ның атынан қандай да бір міндеттемені құру немесе қандай да бір мәлімдеме жасау үшін ешқандай уәкілеттігіңіз болмайды.

7. д. Жауапкершіліктен босату.

   Қолданыстағы заңмен барынша рұқсат етілетін шамада Visa тараптарын осы Шарттарды бұзуыңыздың нәтижесінде не оған байланысты туындайтын барлық шығындардан, міндеттемелерден, шағымдардан немесе талаптардан, залалдардан, айыппұлдардан және шығындардан босатуға келісесіз.

8. е. Дауларды шешу және Реттеуші заң.

   Заңмен барынша рұқсат етілетін шамада сіз және Visa мыналарға келісесіздер:

   • (1.) егер сіз төмендегі (2.) бөлімде көрсетілгендерден басқа Жарамды юрисдикцияның резиденті болсаңыз, келесі реттеуші заң мен арбитраж қаулысы қолданылады:

     БҰЛ БӨЛІМ АРБИТРАЖ ЕРЕЖЕСІН ҚАМТИДЫ. ОСЫ ЕРЕЖЕНІ МҰҚИЯТ ОҚЫП ШЫҒЫҢЫЗ. ОНДА VISA SOLUTION ҚЫЗМЕТІНЕ НЕМЕСЕ ОСЫ ШАРТТАРҒА ҚАТЫСТЫ БОЛҒАН КЕЗ КЕЛГЕН ШАҒЫМНЫҢ МІНДЕТТІ АРБИТРАЖДЫҚ СОТ АРҚЫЛЫ ШЕШІЛЕТІНІ КӨРСЕТІЛЕДІ. АРБИТРАЖДА СІЗ ДЕ, VISA ДА СОТТА НАРАЗЫЛЫҚ БІЛДІРУГЕ НЕМЕСЕ ШАҒЫМДАР БОЙЫНША АЛҚАБИЛЕР СОТЫНА ҚҰҚЫЛЫ БОЛМАЙСЫЗДАР. НАРАЗЫЛЫҚТАР АРБИТРАЖЫ ТЕК ЖЕКЕ ТӘРТІПТЕ ӨТКІЗІЛЕДІ. СОТТА ТЫҢДАУ АЛДЫНДАҒЫ МӘЛІМЕТТЕРДІ АШУ ҚҰҚЫҚТАРЫ ЖӘНЕ СОТТА ТЫҢДАУДАН КЕЙІНГІ АПЕЛЛЯЦИЯ ҚҰҚЫҚТАРЫ ШЕКТЕЛЕДІ, БІРАҚ АРБИТР ОСЫ ШАРТТАРДА РҰҚСАТ ЕТІЛГЕНДЕЙ ЗАЛАЛДАРДЫ ӨТЕУ ЖӘНЕ ТАЛАПТАРДЫ ҚАНАҒАТТАНДЫРУ КЕРЕКТІГІ ТУРАЛЫ ҮКІМ ШЫҒАРА АЛАДЫ.

     Visa Solution қызметінен немесе осы Шарттардан, соның ішінде осы Шарттардың қалыптасуынан, түсінілуінен, бұзылуынан, орындалуынан, тоқтатылуынан немесе оларға байланысты туындаған кез келген дау, әрекет себебі, шағым немесе қайшылық, осы ереженің жарамдылығы және атқарылуы, арбитражда талқыланатын келісімнің ауқымы мен қолданымдылығының анықталуы (осы h(1) бөлімде «Дау» деп аталады) тек осы бөлімдегі арбитраж процесі жөніндегі бапқа сәйкес жүзеге асырылады. Сіз бен Visa арасындағы кез келген Даулар міндетті арбитраж арқылы шешілуі керек; тек егер сіз АҚШ резиденті болсаңыз, шағын наразылықтар сотында наразылықтарыңыздың қаралуына өтінім бере аласыз (наразылықтарыңыз белгілі бір шарттарға сай болса). Арбитраж жөніндегі осы бап тек Visa Solution қызметі бойынша Visa-мен орын алған Дауларға ғана қолданылады. Егер Жарамды картаңыздың Карта шығарушысымен қандай да бір дауыңыз болса, ол дауды Карта шығарушыңызбен шешуіңіз қажет.

     Visa мен сіздің араңыздағы кез келген арбитраж егер сіз Америка Құрама Штаттарының резиденті болсаңыз, JAMS (Сот арбитражы мен медиаторлық қызмет) тарапынан оның Жалпы арбитраждық ережелері мен процедураларына сәйкес, ал АҚШ-тан тыс тұратын болсаңыз, сол ережелер осы ережеге барынша қайшы келмейтін шамада реттеледі. Бұл ережелердің көшірмесін JAMS ұйымына 1-800-352-5267 нөміріне қоңырау соғу арқылы, JAMS ұйымының 620 Eighth Avenue, 34th Floor, New York, NY 10018 мекенжайына жазу арқылы, я болмаса www.jamsadr.com немесе www.jamsinternational.com/ веб-сайтынан онлайн түрде алуға болады.

     КЕЗ КЕЛГЕН НАРАЗЫЛЫҚ АРБИТРАЖЫ ЖЕКЕ ТӘРТІПТЕ ӨТКІЗІЛЕДІ. БҰЛ, ЕГЕР СІЗ ЖӘНЕ VISA ӨЗГЕШЕ ТҮРДЕ ЖАЗБАША КЕЛІСПЕГЕН БОЛСАҢЫЗ, СІЗГЕ ДЕ, VISA-ҒА ДА ӨЗГЕ ТҰЛҒАЛАРДЫҢ АРБИТРАЖЫНДА НЕМЕСЕ ӨЗГЕ ТҰЛҒАЛАРҒА ҚАРСЫ АРБИТРАЖДА НАРАЗЫЛЫҚТАРДЫ БІРІКТІРУГЕ ТЫЙЫМ САЛЫНАТЫНЫН ЖӘНЕ СІЗГЕ ДЕ ӘРІ VISA-ҒА ДА ҚАНДАЙ ДА БІР СЫНЫПТЫҢ УӘКІЛЕТТІ ТҰЛҒАСЫ НЕМЕСЕ МҮШЕСІ РЕТІНДЕ ҚАНДАЙ ДА БІР НАРАЗЫЛЫҚТЫ АРБИТРАЖҒА ЖІБЕРУГЕ ТЫЙЫМ САЛЫНАТЫНЫН БІЛДІРЕДІ. ОСЫ ШАРТТАРҒА ЕНУ АРҚЫЛЫ СІЗ ЖӘНЕ VISA ҚАНДАЙ ДА БІР СЫНЫП ӘРЕКЕТІНЕ ҚАТЫСУ ҚҰҚЫҒЫНАН БАС ТАРТАСЫЗ. Арбитраж бір арбитрдің алдында ғана өтеді. Арбитраж (i) телефон арқылы, онлайн режимде және/немесе тек жазбаша арыздардың негізінде өткізіледі, тиісті әдісті арбитражды бастатқан тарап таңдайды; және (ii) егер тараптар арасында өзгесі өзара келісілген болмаса, тараптардың немесе куәгерлердің тікелей қатысуын талап етпейді. Егер тараптар арасында өзгесі өзара келісілген болмаса, Таяу Шығыстағы Жарамды юрисдикция резиденттерінің арбитражы Дубай халықаралық қаржы орталығында өтеді. Арбитрді сіз және Visa компаниясы өзара келісіп таңдайсыздар. Сіз және Visa компаниясы арбитрді өзара келісу арқылы таңдай алмасаңыздар, арбитр JAMS процедуралары бойынша тағайындалады. Қандай да бір себеппен Дау арбитражға емес, сотқа түссе, сіз де, Visa да алқабилер сотын талап ету бойынша барлық құқықтардан бас тартасыздар.

     Адвокат жалдауыңызға болады, бірақ бұлай істеуге міндетті емессіз. Егер қолданыстағы заң бойынша арбитр тарапынан өтемақының жасалуы туралы шешім қабылданбаса, Тараптардың әрбірі өз адвокатының төлемақысын өтеуге өзі жауапты болады. Арбитражды бастаған тарап іс қозғау ақысын төлейді (егер мұның ауыртпалық түсіруіне байланысты, JAMS тарапынан өзгесі көрсетілмеген болса). Visa арбитражға қатысты барлық басқа әкімшілік, істі басқару және арбитр ақыларын тікелей JAMS ұйымына төлейді. Арбитраждың соңында Visa тарапынан жасалған төлемдер JAMS процедуралары бойынша арбитрдің нұсқауына сәйкес Visa мен сіздің араңызда үлестірілуі мүмкін.

     Барлық мәселелерді, соның ішінде осы арбитраж шартының ауқымы мен қолданымдылығына қатысты мәселелерді арбитр шешеді. Арбитрдің кез келген шешімі соңғы шешім болып табылады. Арбитраждық шешімді құзыреті бар кез келген сотқа енгізуге болады. Бұл бап тараптардың тиісті құзыреті бар қандай да бір сотқа арбитраж үшін жүгініп, алдын ала қорғаныс шараларының қабылдануын талап етуге тыйым салады. Visa жауапкершілігі жоғарыдағы 14-бөлімде сипатталғандай қолданыстағы заңмен барынша рұқсат етілетін шамада шектеледі.

     Егер қандай да бір қайшылық немесе заңды таңдау ережелері болмаса, осы Шарттар және тараптардың осында көрсетілген құқықтары Делавэр штатының заңдарымен реттеледі және соларға сай түсініледі.

     Егер сыныптық әрекет үшін айыптаулар жасалған жағдайда қандай да бір себеппен бұл бөлімдегі арбитраж ережесі атқарылуы мүмкін емес деп танылса немесе сыныптық әрекет құқықтарынан бас тарту атқарылуы мүмкін емес деп танылса, реттеуші заң және төмендегі (2)-бөлімде сипатталған форум таңдау ережелері қолданылады.

     Осы бөлімнің қалған бөлігі АҚШ резиденттеріне қатысты:

     Статут тарапынан талап етілген немесе алдын ала қабылданған шешім бар болған жағдайларды санамағанда, арбитр айыппұлдық немесе жазалаушы шығындарды тағайындай алмайды; сондай-ақ, арбитр ешқандай кездейсоқ, жанама, немесе салдарлық залалдардың, оның ішінде жоғалған табыс пен үшінші тараптардан келген зияндардың өтелуі туралы шешім қабылдай алмайды. Берілген қандай да бір жеңілдіктер өзге Visa Solution пайдаланушыларына әсер ете алмайды. Тараптар осы Шарттар мемлекетаралық коммерцияға қатысты транзакцияны айғақтайтынын растайды. Қолданыстағы материалдық құқыққа келсек, алдыңғы параграфтағы ережеге қарамастан, осы Шарттарға және осы бөлімге сәйкес өткізілетін кез келген арбитражды Федералдық арбитраж туралы акт (АҚШ-тың заңдар жинағы 9, 1-16 бөлімдері) реттейді.

   • (2.) егер сіз (i) Аргентина, Бразилия, Канада немесе Еуропадағы қандай да бір Жарамды юрисдикцияның (ii), жоғарыдағы (1) параграфындағы арбитраж ережесі атқарылуы мүмкін емес деп танылған қандай да бір Жарамды Юрисдикцияның немесе (iii) сыныптық әрекет бойынша айыптаулар жасалған жағдайда қандай да бір себеппен сыныптық әрекет құқықтарынан бас тарту атқарылуы мүмкін емес деп танылған қандай да бір басқа Жарамды юрисдикцияның резиденті болсаңыз, келесілер қолданылады: (x) осы Шарттардан немесе Visa Solution қызметін пайдаланудан немесе оларға байланысты туындайтын барлық даулар, шағымдар немесе әрекет себептері өзіңіз тұратын Жарамды юрисдикцияның заңдарымен реттеледі және соларға сай түсініледі; және (y) осы Шарттардан немесе Visa Solution қызметін пайдаланудан немесе оларға байланысты туындайтын барлық даулар, шағымдар немесе әрекет себептері осындай Жарамды юрисдикция аясындағы құзыретті азаматтық соттар арқылы шешіледі. Тұтынушыларды қорғау жөніндегі кез келген міндетті заң қолданыла береді.

9. ж. Үшінші тұлғаларға тапсыру.

   Visa-ның алдын-ала жазбаша келісімінсіз бұл Шарттарды, заң бойынша немесе басқалай, үшінші тұлғаларға тапсыра алмайсыз. Visa компаниясы осы Шарттарды және осындағы құқықтар мен міндеттемелерді сізді ескертусіз немесе сіздің келісіміңізсіз кез келген үшінші тарапқа тапсыру құқығын сақтайды. Жоғарыда аталғанға сәйкес бұл Шарттар сіз және сіздің тиісті құқықтық мұрагерлеріңіз бен өзіңіз тағайындаған адамдарыңыз үшін міндетті болып табылып, сіздің мүддеңізде немесе сізге қарсы атқарылады. Кез келген уақытта, соның ішінде, егер осы Шарттарды өзге тұлғаларға тапсыруымыз сіздің көңіліңізден шықпаса, Visa Solution қызметін пайдалануды тоқтатуыңызға болады.

10. з. Тек Қытай Халық Республикасының (Гонконг Арнайы әкімшілік аймағын, Макао Арнайы әкімшілік аймағын және Тайваньді қоспағанда) резиденттері үшін

    Сіз Visa Solution қызметінің тек Қытай Халық Республикасындағы Қытайдың материктік бөлігінен тыс орналасқан сату ұйымдарымен жасалатын трансшекаралық валюталық транзакцияларда сіздің пайдалануыңызға ғана қолжетімді екенін растайсыз. Қытай Халық Республикасындағы Қытайдың материктік бөлігінде Visa Solution қызметін ұсынатын барлық сату ұйымдарына Қытай Халық Республикасындағы Қытайдың материктік бөлігінің резиденті болып табылмайтын тұлғалар үшін ғана солай істеуге рұқсат беріледі.

11. и. Тек Үндістан резиденттері

    Visa Solution қызметін Үндістанда Visa Worldwide Pte. Limited ұсынады.

12. й. Тек Аргентина резиденттері

    Тұтынушыларды қорғау жөніндегі нормативтер Буэнос-Айрес қаласындағы тұтынушыларға немесе пайдаланушыларға қызметтердің маркетингін жасайтын, оларды сататын немесе ұсынатын және Интернет парақшасы бар болған заңды тұлғалардың «Dirección General de Defensa y Protección al Consumidor» бөліміне қосуы қажет екенін алдын ала қарастырады. Қандай да бір сұрақ немесе шағым бойынша «Dirección General de Defensa y Protección al Consumidor» қызметімен байланысу үшін www.argentina.gob.ar/defensadelconsumidor сайтына өтіңіз.

13. к. Күшін сақтау.

    Осы Шарттардың күші жойылғанына қарамастан, бұл Шарттар күші жойылғанға дейін сіздің Visa Solution қызметін пайдалануыңызға қолданыла береді. Осы Шарттар тоқтатылғаннан кейін өз сипаты бойынша өз күшін сақтап қала беретін оның кез келген бөліктері, оның ішінде, бірақ мұнымен шектелмей, «Дауды шешу және Реттеуші заң» бөлімі осы Шарттардың қандай да бір тоқтауынан немесе Visa Solution қызметін пайдалануыңызды тоқтатқаннан кейін солайша өз күшін сақтай береді.

14. қ. Бізбен байланысыңыз.

    Егер Visa Solution туралы қандай да бір сұрақтарыңыз немесе алаңдаушылықтарыңыз болса, Веб-сайттың ЖҚС бөліміне кіріңіз. Егер ЖҚС сіздің сұрақтарыңызға немесе алаңдаушылықтарыңызға жауап бермесе, Visa U.S.A. Inc., Visa Solution, 900 Metro Center Blvd., Foster City, CA 94404-2172, АҚШ мекенжайына немесе Бізге электрондық хат жіберіңіз бөлімі арқылы хат жіберіп, бізбен байланысуыңызға болады.