Visa компаниясы Сан-Францискодағы Visa жетекші инновациялық орталығының табыстылығынан кейін және Сингапурда жақында Азия-Тынық мұхит аймағы инновациялық орталығының ашылуына байланысты Дубайда 1219 шаршы метрді алып жатқан жаңа инновациялық орталыққа есіктерін ашты. Дубай Медиа-Ситидің қақ ортасында орналасқан жаңа инновациялық орталық Visa технологтары, клиенттері мен серіктестерінің төлем технологиясы болашағында ынтымақтасу орталығы қызметін атқарады. Орталық және Шығыс Еуропа, Таяу Шығыс және Африка (CEMEA) аймақтарынан жетекші жаңашыл тұлғалар Орталықтың жасампаздыққа қолайлы заманауи, көп мақсатты кеңістігіне жиналады—ғимараттың ашық жоспардағы бейресми жиналыс орындары бар қабаты, цифрлық коммерция мен қосылған көлік сияқты төлем прототиптері қойылған көрсетілім аймақтары және толығымен жабдықталған шағын дәмхана сияқты инфрақұрылым нысандары бар.
Visa-ның жаһандық инновациялық орталықтар желісі ашық коммерция "болашағын ілгерілетуді" және жаңашыл тұлғаларға жаңа төлем шешімдерін жасау мақсатында араласу, тәжірибе жасау мен ынтымақтасу мүмкіндігін қамтамасыз етуді көздейді. Желі адамдарға күнделікті өмірлерінде шынайы пайда әкелетін адами факторға көңіл бөліп, төлем технологияларында прототип пен тәжірибе жасауды үдету бағытында жұмыс істейді. Цифрлық технологиялар ілгерілеген сайын, Visa қауіпсіздікке және Интернетке қосылған әрбір құрылғының коммерция үшін қауіпсіз орын болуын қамтамасыз етуді көздейтін басты мақсатына беріктігін сақтайды. Компанияның өз ісіне берілген ардагер қаржылық-техникалық мамандар тобы Visa Developer платформасы арқылы қолжетімді API және SDK интерфейстерімен жаңа цифрлық төлем шешімдерін жасақтау бойынша клиенттер мен серіктестермен жұмыс істейді.
Visa компаниясын Дубайға не әкелді? Visa Дубайда өз кеңсесін алғаш рет 1995 ж. ашқан. «Техника мен қаржының виртуалдық жолдары тоғысқан Дубай осы аймақтың әрқилы қажеттіліктері үшін осы ынтымақтасу ұстанымын жүзеге асыруға қолайлы орын болып табылады"» —дейді Visa-ның инновация мен стратегиялық серіктестіктер вице- президенті және Дубай инновациялық орталығының басшысы Джон Макгайр. «Негізінде Visa технологиялық компания болып табылады және Орталық Еуропа, Таяу Шығыс және Африка аймағындағы клиенттер мен серіктестерге терең, ынтымақты және жергілікті шарттарға бейімделген тәжірибелерді қамтамасыз ету ісін үнемі жетілдіріп келеміз».